Lider TV-nin yayımı bərpa edildi - Yenilənib

Lider TV-nin yayımı bərpa olunub.

PİA.az-ın xəbərinə görə, Lider telekanalı əvvəlki qaydada fəaliyyətini davam etdirir.

Qeyd edək ki, dünən axşam saatlarından etibarən Lider TV-nin yayımı dayanıb.

Milli Televiziya və Radio Şurasının (MTRŞ) sədri Nuşirəvan Məhərrəmli bildirib ki, telekanalın yayımının dayandırılması barədə MTRŞ tərəfindən hər hansı qərar qəbul edilməyib. O qeyd edib ki, bu, Lider TV və Teleradio İstehsalat Birliyi arasında olan texniki məsələdir. Tərəflər bu məsələni öz aralarında həll edəcək, telekanalın maliyyə borcu var.APA

***

“Lider TV & Radio Azerbaijan” MMC-nin fəaliyyətinin dayandırılması ilə bağlı məsələyə Milli Televiziya və Radio Şurası (MTRŞ) münasibət bildirib.

PİA.az-ın xəbərinə görə, MTRŞ-nın Yayım və texniki məsələlər üzrə əməkdaşı Fikrət Xudzadə LiderTV-nin yayımının dayandırılması ilə bağlı xəbəri təkzib edib:

“Televiziya və radio kanalında kompleks profilaktika tədbirləri keçirilir. Bu gün saat 16:00-dan sonra kanal öz fəaliyyətin bərpa edəcək”. (Unikal.org)

***

Televiziya şirkətinin əməkdaşları virtualaz.org-a bildiriblər ki, bir neçə saat əvvəl Lider TV rəhbərliyinin nümayəndələri kollektivin yaradıcı hissəsinə sabah televiziya kanalının fəaliyyətinin dayandırılacağı barədə xəbərdarlıq ediblər.

Yayımın dayandırılmasının səbəbləri barədə məlumat verilmir.

***

Azərbaycanın Lider TV kanalının yayımı gözlənilmədən kəsilib. Telekanalın efiri “Gecənin sehri” verilişi yayımlanarkən dayandırılıb.

Hazırda yayımın dayandırılmasının səbəbləri barədə məlumat verilmir. Virtualaz.org rəsmi mənbələrdə şərh ala bilməyib.

Qeyd edək ki, əvvəllər media kanalda ciddi maliyyə problemlərinin olduğu barədə dəfələrlə yazıb.

Onu da xatırladaq ki, Lider TV kanalı 2000-ci ildə yaradılıb. Rəhbəri Ədalət Əliyevdir.

pia.az